Քննություններ՝ ԵԿՄ-ում
Հասարակություն
ԵԿՄ վարչությունում անցկացված պատանի երկրապահների 2017-2018 ուստարվա 1-ին կիսամյակի ամփոփիչ հրամանատարասերժանտական քննություններին մասնակցում էին 100-ից ավել դպրոցականներ Հանրապետության 5 մարզերից՝ Արարատ, Արմավիր, Կոտայք ,Գեղարքունիք և Երևան: Իսկ հեռավոր մարզերի պատանի երկրապահ կամավորականների համար քննությունները կանցկացվեն տեղում՝ դարձյալ ԵԿՄ վարչության անդամների և Երկրապահի հետ համագործակցող կառույցների ներկայացուցիչների մասնակցությամբ (պաշտպանության, արտակարգ իրավիճակների նախարարություններ):
Պատանի երկրապահ կամավորականները քննություններ հանձնեցին շարային, կրակային, ֆիզիկական պատրաստությունից: Ստուգվեցին նաև դասընթացների ժամանակ յուրացված գիտելիքներն առաջին բուժօգնությունից, ինչպես նաև ֆորսմաժոռային իրավիճակներում երեխաների կողմնորոշվելու կարողություններն ու հմտությունները:
«Այս անգամ ստուգող անձնակազմի ուշադրության կենտրոնում էր հատկապես մասնակիցներին սերժանտ-հրամանատարի դերում տեսնելը:Արդյո՞ք կարողանում են պատանիներն ու աղջիկները հրամանատարասերժանտական դասընթացների ժամանակ ձեռք բերած գիտելիքները որպես հրամանատարներ դրսևորել»,- ասաց ԵԿՄ «Պատանի երկրապահ» կառույցի նախագահ մայոր Ա.Հախումյանցը:
Հատկանշական է, որ ռազմահայրենասիրական դաստիարակություն իրականացնող այս կառույցում մեծ թիվ են կազմում աղջիկները, որոնք թե՛ շարային, թե՛ կրակային և թե՛ ֆիզիկական պատրաստության ստուգատեսներում չեն զիջում տղաներին՝ հավաստելով, որ իրենք նույնպես պատրաստ են ծառայելու հայրենիքին՝ հնարավորության դեպքում:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
