Իսպանացի լուսանկարիչը «սեր է խոստովանել» Արցախին

Իսպանացի ճանապարհորդ և լուսանկարիչ Ալեքս Դոմենեկը ժամանել է Լեռնային Ղարաբաղ, որտող անցկացրել է 5 օր: Այս մասին հաղորդում է Rusarminfo.ru-ն:

«Իսպանացի լուսանկարիչը կանգ է առել Ղարաբաղի մայրաքաղաք Ստեփանակերտում, որն ամբողջությամբ վերականգնվել է պատերազմից հետո: Այնուամենայնիվ, Ղարաբաղի շատ շրջաններում նա իր աչքերով կարողացավ տեսնել, թե ինչ հետևանքներ է ունեցել պատերազմը»,- գրում է բրիտանական «Business Insider»-ը`  հրապարակելով իսպանացի լուսանկարչի կողմից Արցախում կատարած լուսանկարները:

Բրիտանական հրատարակությանը տված հարցազրույցում Ալեքսը խոստովանել է իր սերը Արցախի ժողովրդի հանդեպ և պատմել նրանց հյուրընկալության ու բարության մասին, որը նա փորձել է փոխանցել իր լուսանկարների շնորհիվ: