Ռուսաստանի հայերի միությունը մեկնաբանել է Արա Աբրահամյանի հասցեին ուղղված մեղադրանքը

«Հասարակական կարծիքն օնլայն ռեսուրսների միջոցով  մանիպուլյացիայի ենթարկելն անհեթեթ ու անհեռանկարային է: Այն իր ձևով և բովանդակությամբ  տգեղ էր՝ ինչպես եղավ պարոն Գրիգորյանի նախաձեռնության պարագայում՝ կապված Հայ առաքելական եկեղեցու հետ տեղի ունեցած կոնֆլիկտի հետ»,-«Sputnik Армения»-ի հետ զրույցում ասել է  ՌՀՄ ներկայացուցիչը:

Ռուսաստանի հայերի միության  մամուլի ծառայությունը մանրամասն տեղեկությունների  համար խորհուրդ է տվել դիմել իրավապահ մարմիններին:

«Հարցի հիմքում քրեկան գործ կա, որը հարուցված է հայտնի սկանդալային ձեռներեց Ռուբեն Գրիգորյանի և նրա մեքենայությունների դեմ»,-ասել են ՌՀՄ-ից:

Նրանց խոսքով՝ այս հարցը որոշվում է գործող օրենսդրության շրջանակներում:

«Sputnik Армения»-ն դիմել է նաև իրավապահ մարմիններին, սակայն դեռևս պատասխան չի եկել:

Հավելենք նաև, որ  ոմն Յուրի Սեմյոնով իր տեսաուղերձում  Արա Աբրահամյանի հասցեին մեղադրանքներ է հնչեցրել: