Հակամարտություն է սկսվելու Արմեն Սարգսյանի և մյուսների միջև. Ազատ Արշակյան (տեսանյութ)

«Արմեն Սարգսյանն իր կուլտուրայով արդեն տարբերվում է, հիմա ինչպիսի հնարավորություններ, ինչպիսի լիազորություններ կտա մեր իշխանական ներքնախավը՝ կերևա առաջիկայում»,- «Առաջին լրատվական»-ի հետ զրույցում նման տեսակետ հայտնեց ԳԽ պատգամավոր Ազատ Արշակյանը։

Մեր զրուցակիցը լավատես է. «Կարծում եմ՝ ինքն է թարմացնելու, օրինակ է լինելու բարեկրթության, գործարարության, համարժեքության։ Բայց այն իրավունքները, որ ունի նոր Սահմանդրությամբ նախագահը՝ խորհրդանշական է լինելու։ Նա կաշկանդված է լինելու, մանդատ չունի, բացի դրանից՝ հակամարտություն է սկսվելու նրա և մյուսների՝ ոչ այդպիսինների միջև»,- ընդգծեց Արշակյանը։

Նա նշում է՝ այն մարդը, որն ուզում է իշխանական համակարգում լինել, պետք է որոշակի կանոններ պահպանի. «Ինչքանով նպատակահարմար կլինի, որ քվեարկությունից առաջ Արմեն Սարգսյանը նրանց մասին ասի այն, ինչ մտածում է։ Պատեկարցնո՞ւմ եք, ասի՝ դուք այդ ի՞նչ եք անում Հայաստանում։ Նա ժամանակին հանձնել է իշխանությունը, կարող է ասել՝ իմ վարչապետության ժամանակ վիճակն այսպիսին է եղել, հիմա ի՞նչ եք ինձ հանձնում․ գոնե բնակչության առումով չի՞ ասի՝ այն 800.000 ո՞ւր են։ Կարծում եմ՝ չի ասի հիմա այդպիսի բան, եթե ասի՝ չի ընտրվի»։

Հարցազրույցն ամբողջությամբ՝ տեսանյութում։

Նյութի աղբյուր` 1in.am