Դատապարտյալը կշռաքարերով երկու ռեկորդ է սահմանել

ՀՀ օլիմպիական կոմիտեի Շիրակի մարզի ներկայացուցչության նախագահ, Ֆիզկուլտուրայի և սպորտի վաստակավոր գործիչ Արմեն Բադեյանի և «Դյուցազնագրքի» հեղինակ, Դյուցազունների ասոցիացիայի նախագահ Վարդան Թովմասյանի նախաձեռնությամբ 2017 թվականի մայիսին  ՀՀ ԱՆ «Արթիկ» քրեակատարողական հիմնարկում  դատապարտյալ Արթուր Կարապետյանը ռեկորդ սահմանելու եւ այն «Դյուցազնագրքում» գրանցելու համար կատարեց վարժություն 6 կիլոգրամ կշռող կցագնդերով` դրանք կախ դրությունից դեպի վեր մեկընդմեջ աջ եւ ձախ մերկ ձեռքերով վեր բարձրացնելով 2 ժամ 32 րոպեի ընթացքում 12782 անգամ: Ռեկորդը գրանցելու համար նյութերը ուղարկվել էին  «Դյուցազնագիրք» ասոցացիա ՀԿ:

Ինչպես տեղեցկացրին  ՀՀ օլիմպիական կոմիտեի Շիրակի մարզի  մամուլի կենտրոնից,  2018 թ փետրվարի 9-ին հանձնաժողովը դարձյալ  ԱՆ «Արթիկ» քրեակատարողական հիմնարկում  էր ավելի ընդլայնված կազմով, այս անգամ արդեն ռեկորդը «Դյուցազնագրքում» գրանցելու նպատակով: Հանձնաժողովում ընդգրկված էին ՀՀ օլիմպիական կոմիտեի Շիրակի մարզի ներկայացուցչության նախագահ, Ֆիզկուլտուրայի և սպորտի վաստակավոր գործիչ Արմեն Բադեյանը,   «Դյուցազնագրքի» հեղինակ, Դյուցազունների ասոցիացիայի նախագահ Վարդան Թովմասյանը, Հայաստանի փաուեր լիֆթինգի / ուժային եռամարտի ֆեդերացիայի նախագահ, նույն մարզաձևի  Եվրոպայի և աշխարհի կրկնակի չեմպիոն, սպորտի վաստակավոր վարպետ Գագիկ Սարոյանը և «Արթիկի մարզադպրոց» ՀՈԱԿ-ի տնօրեն, վաստակաշատ մանկավարժ  Ղուկաս Ղուկասյանը:

Այս անգամ Արթուր Կարապետյանը կրկնակի ռեկորդ  է սահմանել,  առաջինը՝  մեկ  րոպեում 8 կիլոգրամ կշռող կշռաքարը 105 անգամ վեր բարձրացնելով, իսկ հաջորդը ՝ 2 ժամում  յուաքանչյուր ձեռքում  պահած  7 կիլոգրամանոց  կշռաքարը 10 000 անգամ անընդմեջ բարձրացավ մինչև ուսագոտին: