Քլինթոնը Լավրովի հետ կքննարկի սիրիական ճգնաժամի հետ կապված հարցեր. ԱՄՆ Պետդեպարտամենտ

ԱՄՆ Պետքարտուղար Հիլարի Քլինթոնը Ռուսաստան այցի շրջանակներում Ռուսաստանի արտգործնախարար Սերգեյ Լավորվի հետ կքննարկի սիրիական ճգնաժամը։ Այդ մասին հայտարարել է պետդեպարտամենտի ներկայացուցիչ Վիկտորիա Նուլանդը։

Ավելի վաղ, ԱՄՆ պետդեպը հայտարարել էր, որ Քլինթոնը Ռուսաստան կժամանի հունիսի 28-30–ին։ Նա գլխավորելու է Սանկտ Պետերբուրգում կայանալիք «Կանայք տնտեսությունում» թեմայով APEC–ի համաժողովը, հաղորդում է ՌԻԱ նովոստին։

«Այցը, իհարկե, նախատեսված է «Կանայք տնտեսությունում» թեմայով համաժողովի շրջանակներում, որին մեծ կարևորություն է տրվում պետքարտուղարի և ԱՄՆ–ի կողմից։ Սակայն ուղևորությունը պետքարտուղարին հնարավորություն կտա՝ հանդիպել Ռուսաստանի արտգործնախարար Սերգեյ Լավրովի հետ։ Եվ Սիրիան կլինի այդ հանդիպման հիմնական թեման», – ասել է Նուլանդը չորեքշաբթի կայացած ճեպազրույցի ընթացքում։