Պայթյուն` Կրասնոդարի բնակելի շենքում

ՌԴ Կրասնոդար քաղաքի բնակելի շենքերից մեկում այսօր պայթյուն է տեղի ունեցել։ Նշվում է, որ շենքի 5-րդ հարկի բնակարաններից մեկում գազի արտահոսքի հետեւանքով է պայթյունը տեղի ունեցել։

Պատահարի արդյունքում 7 հոգի տարբեր աստիճանի վնասվածքներով տեղափոխվել են հիվանդանոց։ Նրանցից երկուսը երեխաներ են։ Չափազանց ծանր վիճակում է տանտերը, որտեղ տեղի է ունեցել պայթյունը։ Նա մարմնի 90 տոկոսի այրվածքներ է ստացել։ 9 եւ 12-ամյա երեխաների վիճակը նույնպես ծանր է։