Ռուսաստանում ցանկանում են պատգամավորների համար «բարոյական կոդեքս» ստեղծել
ՌուսաստանՊատգամավորների և նրանց ընտանիքների անդամների հասարակական վարքագիծը կարող է կարգավորման ենթարկվել:
Ինչպես տեղեկացնում է ՌԻԱ Նովոստին, այդ մասին հայտնում է RT-ն:
Այս առաջարկով Պետական դումայի ներկայացուցիչ Վյաչեսլավ Վոլոդինին պատրաստվում է դիմել Լենինգրադյան շրջանի օրենսդրական ժողովի ներկայացուցիչ Վլադիմիր Պետրովը:
«Բարոյական կոդեքսը», հավանաբար, խորհրդատվական բնույթ կունենա: Փաստաթղթում պատգամավորներին և նրանց հարազատներին խորհուրդ կտրվի հրաժարվել «բիզնես կլաս»-ով թռիչքներից, սոցցանցերում շքեղությունը և իշխանություններին իրենց մոտ լինելը ընդգծելուց: Խորհուրդ կտրվի նաև հրաժարվել ծառայողական դիրքի չպատճառաբանված ցուցադրումից:
Պետրովը կոդեքսն առաջարկում է ընդունել որպես ներքին նորմատիվային փաստաթուղթ, որին պատգամավորները պարտավոր են ծանոթանալ:
Դումայի էթիկայի հանձնաժողովի պատգամավորների հարցերով զբաղվող փոխնախագահ Նիկոլայ Իվանովն ընդգծել է, որ ոչ կիրթ վարքագիծ դրսևորելու առավելագույն պատիժը լիագումար նիստերին ելույթ ունենալու հնարավորությունից զրկելն է:
Նա համաձայն է, որ այդ նախաձեռնությունը գոյության իրավունք ունի, սակայն կոդեքսը պատգամավորների ընտանիքների և հարազատների վրա տարածելը ավելորդ է համարել:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
