Ռուսաստանը թույլ չի տա, որ իր հետ «ուժի լեզվով» խոսեն. Վլադիմիր Պուտին

Ռուսաստանը երբեք որևէ մեկի թույլ չի տա, որ իր հետ «ուժի լեզվով» խոսեն և արագ ու համարժեք պատասխան կտա ցանկացած սպառնալիքի, հայտարարել է Ռուսաստանի նախագահ Վլադիմիր Պուտինը Կրեմլում ռազմական բուհերի շրջանավարտների պատվին կազմակերպված հանդիսավոր ընդունելության ժամանակ:

Նա նշել, որ ժամանակակից բանակի ստեղծումն ու երկրի անվտանգության ամրապնդումը համազգային առաջնահերթություն է, հաղորդում է ՌԻԱ Նովոստին։

«Պաշտպանական քաղաքականություն կառուցելով՝ մենք կկենտրոնանանք ռազմական շինարարության ամենաժամանակակից միտումների ուղղությամբ: Դրանց հիման վրա կշարունակենք արդիականացնել զինված ուժերը, հետևողականորեն դրանց նոր տեսք կտանք»,- ավելացրել է Պուտինը:

ՌԴ նախագահը հաստատել, որ պետությունը կշարունակի զինծառայողների սոցիալական երաշխիքների ամրապնդումը։