ԱՄՆ-ը նոր միջոցներ է որոնում Ռուսաստանի ոչ կառավարական կազմակերպություններին ֆինանսավորելու համար. Հիլարի Քլինթոն

ԱՄՆ Պետքարտուղար Հիլարի Քլինթոնը Սանկտ Պետերբուրգ կատարած այցի ընթացքում ռուս իրավապաշտպաններին խոստացել է միջոցներ ձեռնարկել Ռուսաստանում գործող ոչ կառավարական կազմակերպությունների ֆինանսավորման ձևը փոխելու համար, հաղորդում է ՌԻԱ նովոստին։ 

Ռուսաստանի իշխող «Միասնական Ռուսաստան» կուսակցությունը Պետդումա էր ներկայացրել Ռուսաստանում գործող ոչ կառավարական կազմակերպությունների ֆինանսավորման կարգը խստացնելու համար օրենսդրական փոփոխություն կատարել։ Իշխող կուսակցության պատգամավորները Ռուսաստանում գործող մի շարք ոչ կառավարական կազմակերպությունների մեղադրում են քաղաքական նպատակներով արտասահմանյան կառույցներից ֆինանսավորվելու մեջ։ Ենթադրվում է, որ օրինագծի ընդունումը կսահմանափակի ոչ կառավարական կազմակերպությունների գործունեությունը, ընդհուպ մինչև դրանց գործունեությունը դադարեցնելու հեռանկար կա։

Հիլարի Քլինթոնը ուրբաթ հանդիպել է Ռուսաստանում գործող իրավապաշտպան կազմակերպությունների ներկայացուցիչներին։ Հանդիպման հիմնական թեման եղել է ոչ կառավարական կազմակերպությունների մասին օրենքում փոփոխություններ մտցնելու՝ «Միասնական Ռուսաստանի» առաջարկությունը Պետդումային։ 

ԱՄՆ Պետքարտուղարը ասել է, որ ծանոթ է խնդիրներին և մտադիր է Ռուսաստանում գործող ոչ կառավարական կազմակերպություններին ֆինանսավորելու նոր միջոցներ որոնել։