Պուտինը որսում է օտարերկրյա գործակալներին. The New York Times

Ամերիկյան հեղինակավոր New York Times պարբերականն անդրադարձել է Ռուսաստանում ոչ կառավարական կազմակերպություններին արտասահմանյան հիմնադրամներից ֆինանսավորվելու հնարավորությունից զրկելու վերաբերյալ օրենսդրական նախաձեռնությանը, որն այսօր քննարկման է դրվելու Ռուսաստանի Պետդումայում։

Պարբերականի սյունակագիր Մաշա Գեսենը հոդվածում զուգահեռներ է անցկացնում Հարավսլավիայում հոգեվարքի մեջ հայտնված Սլոբոդան Միլոշևիչի ռեժիմի և այդ օրենսդրական նախաձեռնության միջև։

Գեսենը հիշատակում է Բելգրադում 10 տարի առաջ լրագրողական գործունեության ընթացքում ականատես եղած մի միջադեպ, թե ինչպես էր մի գիշերվա ընթացքում նաև հունգարական անձնագրեր ունեցող Բելգրադի հարավսլավացի բնակչությանը ոստիկանությունը պարտադրում 24 ժամվա ընթացքում ընտրություն կատարել. կա՛մ մնալ երկրում և հանձնել երկրորդ անձնագրերը, կա՛մ լքել երկրի տարածքը։       

«Հարավսլավիայում Միլոշևիչի կառավարման շրջանի ավարտին ընդունված հատուկ օրենքների պատճառով արտերկրից ֆինանսավորվող Հարավսլավիայի մի շարք ոչ կառավարական կազմակերպությունների գործունեությունն ուղակիորեն դադարեցվեց, իսկ մի քանիսն էլ անցան ընդհատակյա գործունեության։ Ենթադրվում է, որ Ռուսաստանի իշխանությունը հարավսլավական փորձն է կիրառում՝ հատկապես կրկնելով այդ երկրի վերջին դիկտատորի ընդունած որոշումները։ Այդ նախաձեռնության մեջ ռուսական իշխող ռեժիմի կողմից ընտրված ամենամեծ թիրախն ընտրվել են դրսից ֆինանսավորվող ոչ կառավարական կազմակերպությունները, որոնց դեմ լայնածավալ բնազդային գործողություններ են սկսվել Կրեմլի կողմից... Ըստ Կրեմլի, ովքեր փոփոխություններ են ցանկանում, նրանք թշնամիներ են, իսկ թշնամիները օտարերկրացիներն են։ Անհրաժեշտ է երկիրը մաքրել միայն արտասահմանցիներից և նրանց կողմից տրամադրվող գումարներից, ինչի արդյունքում էլ ժողովրդական դժգոհության ալիքը չի բարձրանա», – եզրափակում է Գեսենը։