«Լավով» դիմում գրի. հերթական աղմկոտ պաշտոնանկությունը կառավարությունում

ՀՀ կառավարության ենթակայության առողջապահական եւ աշխատանքի տեսչական մարմնի տնօրենի տեղակալ Գոհար Փանաջյանը գրում է.

Հավանաբար շատերդ կմտածեք՝ ինչ և ինչու է Գոհարն այժմ գրում այստեղ. ասեմ՝ խնդիր չեմ տեսնում, ցանկանում եմ, որպեսզի կարդաք ստորև գրված իրողությունը և խորհեք:

Այսօր կանչվելով հիմնարկի ղեկավարի մոտ՝ ինձ ասվեց, որ ես «այդտեղ գործ չունեմ անելու, ինձ «չեն տեսնում» և լավով, հանգիստ գնամ, որ «ուրիշ ձևերով» չարվի» , իսկ մինչ այդ, որ՝ «ստե ինչ ես անում, գնա արտասահման գործ գտի քեզ նոռմալ, լեզուն էլ գիտես»: Կարկամեցի: Քարացա: Չհավատացի, որ իրողություն է այս ամենը:

Ասելով իմ մասին, որ հայրենասեր եմ, օրինավոր ՀՀ քաղաքացի, պարկեշտ ու արհեստավարժ, կոռուպցիայի դեմ անհաշտ պայքար մղած պետական պաշտոնյա, արդարության ու ազնվության սկզբունքներին ողջ կյանքս հետամուտ եղած քաղաքացի ու երկրիս պետականաշինության, մասնավորաբար, առողջապահության ոլորտի մասով, իմ համեստ լուման ունեցած, բժշկական կադրեր կրթած անձ,,,,, գուցե համեստ չթվա,... սակայն դրանով էլ ասելիքս ավարտված և շարքը սպառված չէի համարի թերևս: Ինչևէ: Սակայն այսով կավարտեմ: