Հասկանանք էլի, ինչու կուսակցական համակարգը Հայաստանում չի կայանում...Տիգրան Հակոբյան

«Հեռուստառադիոպետկոմ»-ի եւ «Արմենպրես» գործակալության նախկին նախագահ ու տնօրեն, «Հայք» թերթի նախկին խմբագիր, քաղաքական-հասարակական գործիչ Տիգրան Հակոբյանը գրում է.

Իշխող Քրիստոնյա Դեմոկրատական Միությունը հարաբերական (27տոկոս) պարտություն կրեց Գերմանիայի դաշնային մարզերից մեկում: Եւ Անգելա Մերկելը հայտարարեց, որ դեկտեմբերին հրաժարական կտա կուսակցության նախագահի պաշտոնից: 14 տարի անընդմեջ հաղթանակներից հետո ընդամենը մեկ մարզում պարտությունը ստիպում է հզոր երկրի հզոր ղեկավարին հրաժեշտ տալ նախագահի պաշտոնին: 
Հիմա վերհիշեք Հայաստանում 1 (մեկ) կուսակցություն, որի ղեկավարը հրաժարական է տվել ընտրություններում կուսակցության պարտությունից հետո: Տարիներով 2 տոկոս կստանան, կես տոկոս կստանան, չեն մասնակցի ընտրություններին, կմոռացվեն հասարակության կողմից՛ միեւնույնն է «առաջնորդ» կմնան, վստահ, ինքնասեր, «ժողովրդի կողմից սիրված», պահանջված...
Հասկանանք էլի, ինչու կուսակցական համակարգը Հայաստանում չի կայանում...

P.S. Հենց նոր Նոր քաղաքական մշակույթ կուսակցության առաջնորդ Անի Զախարյանը լայվ մտավ:)) Գոնե էդ կուսակցությոնների մասին օրենքը շուտ փոխվի: Մեղք ենք...