Գազպրոմը Տրոիցկի շրջանում տեխնոքաղաք է ստեղծելու

Գազպրոմը գազի արդյունահանման և տեղափոխման նոր տեխնոլոգիաների մշակումներն իրականացնելու նպատակով պատրաստվում է կառուցել իր սեփական տեխնոքաղաքը: Ինովացիոն կենտրոնը կառուցվելու է Մոսկվայի Տրոիցկ շրջանում: Տեխնոքաղաքի ստեղծման հիմնական պատճառներից մեկը գազի արդյունահանման ոլորտում մրցակցության առկայությունն է, որն ընկերությանը ստիպում է միջոցառումներ ձեռնարկել՝ նպաստելու մշակվող նախագծերի էֆեկտիվության և շահույթաբերության բարձրացմանը:

Գազպրոմը պլանավորվում է կատարել նաև ներքին կառուցվածքային փոփոխություններ: Եթե նախկինում գիտական աշխատանքներով զբաղվում էր ռազմավարական զարգացման բաժինը, հիմա, արդեն, դրանով զբաղվելու է հեռանկարային զարգացման բաժինը:

Տրոիցկում ստեղծվելու են ինովացիոն կենտրոններ, որոնք զբաղվելու են գազի փոխադրման, արդյունահանման և այլ նախագծերի մշակումներով: Քաղաքում արդեն գործում է գազի փոխադրմամբ զբաղվող «Газпром трансгаз Москва»-ի գրասենյակը: Ըստ Газпром-ի գիտական քարտուղար Վլադիմիր Յակուշևի, ընկերությունում տեղի են ունենում կառուցվածքային փոփոխություններ: Ստորաբաժանումների մի մասը գլխավոր գրասենյակից կտեղափոխվեն Տրոիցկի շրջան, ստեղծվելու են նոր տեխնոլոգիական և փորձարարական կենտրոններ:

Գազպրոմը դեռ վաղուց ունի իր գիտահետազոտական կենտրոնը, որի մեջ մտնում է մի քանի ինստիտուտ, ուստի, ըստ մասնագետների, տեխնոքաղաքը շատ արագ կզարգանա շնորհիվ գիտական մշակումների ոլորտում ունեցած փորձի: