Կրասնոդարի երկրամասում ջրհեղեղից զոհվածների թիվը հասել է 134-ի

Կրասնոդարի երկրամասում ջրհեղեղի հետևանքով զոհերի թիվը հասել է 134-ի։ Այս մասին հաղորդում է ՌԴ Ներքին գործերի նախարարությունը։

Կրասնոդարի երկրամասի Ղրիմի շրջանում, ըստ վերջին պաշտոնական տվյալների ջրհեղեղի զոհ են դարձել 123 մարդ, որոնցից հաջողվել է ճշտել միայն 113-ի ինքնությունը։

«Ներկա դրությամբ ոստիկանությունը ուժեղացված հսկողություն է իրականացնում ջրհեղեղից տուժած շրջաններում, թալանը կանխարգելելու նպատակով»,-հայտարարել է ՌԴ ՆԳՆ ներկայացուցիչը և հավելել որ արդեն կա 2 ձերբակալված։