Մոսկովյան ավտոսրահից գողացել են Mercedes և BMW մակնիշի մեքենաներ

Մոսկվայի հյուսիսում գտնվող ավտոսրահից առևանգել են 2 թանկարժեք ավտոմեքենա՝ BMW 730 և Mercedes GL 350,- հաղորդում է Interfax-ը։

Ըստ Մոսկվայի ոստիկանության տարածած հաղորդագրության` հանցագործները ավտոսրահ են մտել ետնամուտքից։ Գողերը կոտրել են սրահի մետաղյա արկղը և գողացել համակարգիչը, նոթբուքը և տպիչը։

Ավտոսրահի տեսադիտման համակարգը գողության պահին չի գործել։ 

Գողությունը տեղի է ունեցել Տիմիրյազևսկայա փողոցում, որտեղ կան մի քանի ավտոսրահներ, թեև ոստիկանությունը չի նշել, թե որ սրահից են գողացվել ավտոմեքենաները։