Եվրոպան ճգնաժամից դուրս բերելու հնարավոր միջոցներ այս պահին չկան. Վլադիմիր Պուտին

Ռուսաստանի նախագահ Վլադիմիր Պուտինը հայտարարել է, որ դեռևս չի տեսնում Եվրոպան տնտեսական ճգնաժանմից դուրս բերելու հուսալի և վստահելի միջոցներ,-հաղորդում է ՌԻԱ Նովոստին։

«Պետք է խոստովանել, որ առայժմ համաշխարհային տնտեսական ճգնաժամը հաղթահարելու հուսալի միջոցներ չկան, ավելին՝ հեռանկարները  դառնում են ավելի ու ավելի մտահոգիչ, Եվրոգոտու պարտքային խնդիրները և տնտեսության անկումն ընդամենը չլուծված կառուցվածքային խնդիրների այսբերգի վերևի մասն է», - ասել է Պուտինը՝ հանդես գալով Ռուսաստանի դեսպանների և դիվանագիտական մշտական ներկայացուցիչների հետ Մոսկվայում կայացած հանդիպման ընթացքում։

«Համաշխարհային տնտեսության առաջատար երկրները՝ ԱՄՆ–ի, ԵՄ–ի, Ճապոնիայի կողմից զարգացման նոր մոդելների պակասի կամ բացակայության ֆոնին արգելակում են համաշխարհային զարգացման դինամիկան», – ասել է Պուտինը։