Ումի՞ց եք վախենում, բելառուսցիների՞ց․ Լուկաշենկո
Քաղաքական
Բելառուսի նախագահ Ալեքսանդր Լուկաշենկոն չի հասկանում, թե ինչու է Հայաստանը դեմ արտահայտվում ՀԱՊԿ գլխավոր քարտուղարի պաշտոնում Բելառուսի թեկնածուի նշանակմանը:
«Դա խայտառակություն է, որ մենք չենք կարող ընտրել ՀԱՊԿ-ի գլխավոր պաշտոնյայի»,-ասել է Բելառուսի նախագահը՝ ռուս լրագրողների հետ Մինսկում կայացած մամուլի ասուլիսի ժամանակ, հայտնում է «Интерфакс-Запад»-ը:
Լուկաշենկոն ընդգծել է, որ Հայաստանի իշխանությունները պետք է ընդառաջ գնան ՀԱՊԿ այլ երկրներին, քանի որ հենց Երևանն է ներքաշել կազմակերպությանն իր ներքին քաղաքական խնդիրների մեջ:
«Ես ձեզ տալիս եմ գործող պետքարտուղար, երիտասարդ գեներալ (խոսքը Ստանիսլավ Զասի մասին է): Խելացի տղա է, մեծ փորձ ունի: Նա պետական քարտուղար է, բոլոր նախագահները գիտեն նրան: Ես այս քայլը կատարում եմ, որ այսուհետև գործող տաղանդավոր գեներալներին նշանակենք` ցույց տալու համար ՀԱՊԿ-ի կարևորությունը»,-ընդգծել է Ա.Լուկաշենկոն:
Լուկաշենկոն նշել է, որ Զասը կայցելի ՀԱՊԿ-ի անդամ երկրներ, այդ թվում՝ նաև Հայաստան։
«Հնարավոր է՝ Զասը բոլորի համար ավելի լավը լինի, քան ցանկացած հայ։ Ումի՞ց եք վախենում, բելառուսցիների՞ց։ Չէ որ բոլորս մարդ ենք»,-ասել է Բելառուսի նախագահը։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
