Ֆրանսիայում երկու մարդ է մահացել ձնահոս առաջացնող սարքի պայթյունից

Ֆրանսիայի Մորիյոն լեռնադահուկային հանգստավայրի երկու աշխատակից է զոհվել այն ժամանակ, երբ կիրառվել է տեղումներից հետո կանխարգելիչ ձնահոս առաջացնող պայթուցիկ սարքը, հաղորդում է Dauphine Libere թերթը։

Ինչպես տեղեկացնում է  «ՌԻԱ Նովոստի»-ն, աշխատակիցները պետք է ձյան առատ տեղումներից հետո նախապատրաստեին դահուկային բազան՝ պայթուցիկ սարքի միջոցով կանխարգելիչ նպատակներով առաջացնելով ձնահոս։

Դեպքի վայր են ժամանել փրկարարներ և հրշեջներ, սկսվել է միջադեպի քննություն։

Զոհվածների անունները չեն նշվում։