Այսօր Ջասթին Թիմբերլեյքը նշում է ծննդյան 38-ամյակը (տեսանյութ, լուսանկարներ)

Այսօր` հունվարի 31-ին, ամերիկացի հայտնի երգիչ Ջասթին Թիմբերլեյքը նշում է իր ծննդյան 38-ամյակը: Ջասթինը կարիերան սկսել է մանուկ հասակում՝ մասնակցելով «Աստղի որոնում» և «Միկի Մաուսի ակումբ» հեռուստաշոուներին, իսկ ավելի մեծ ճանաչում է ձեռք բերել 1990-ականների կեսերին՝ որպես NSYNC բոյ բենդի վոկալիստ և խմբի ամենաերիտասարդ անդամ: NSYNC խմբի փլուզումից հետո՝ 2002 թվականին, Թիմբերլեյքը թողարկեց իր «Justified» կոչվող առաջին անհատական ալբոմը, որը ներառում է «Cry Me a River» և «Rock Your Body» հիթերը:

«Time» ամսագիրը 2007 և 2013 թվականներին Թիմբերլեյքին ընդգրկել է իր «100 ամենաազդեցիկ մարդկանց» ցանկում:

Նա հանդիսանում է JayTee Records ձայնագրման լեյբլի, William Rast հագուստի ապրանքանիշի և Destino/Southern Hospitality ռեստորանային ցանցերի սեփականատերը:

1999 թվականին Թիմբերլեյքը սկսեց հանդիպել ամերիկացի երգչուհի Բրիթնի Սփիրսի հետ, սակայն նրանց հարաբերությունները ավարտվեցին 2002 թվականի մարտին։ 

2003 թվականի ապրիլից Թիմբերլեյքը սկսեց հանդիպել դերասանուհի Քեմերոն Դիասի հետ, ում հետ ծանոթացել էր Kids' Choice Awards մրցանակաբաշխության ժամանակ։ Նրանք բաժանվեցին 2006 թվականի դեկտեմբերին։ 2007 թվականի հունվարին նա սկսեց հանդիպել դերասանուհի Ջեսիկա Բիլի հետ:

Նրանք նշանադրվեցին 2011 թվականի դեկտեմբերին, իսկ հաջորդ տարվա հոկտեմբերի 19-ին տեղի ունեցավ նրանց ամուսնական արարողությունը Ֆազանոյում` Իտալիայում: 2015 թվականի ապրիլին ծնվեց նրանց որդին՝ Սայլաս Ռենդալ Թիմբերլեյքը:

 

 

 

View this post on Instagram

A post shared by Justin Timberlake (@justintimberlake) on Jan 30, 2019 at 3:47pm PST