Ռուս օլիգարխը կոռուպցիայի դեմ պայքարի նոր նախագիծ է մեկնարկում. The Guardian

Ռուս հայտնի օլիգարխ Ալեքսանդր Լեբեդևը միշտ աչքի է ընկել իր անկախությամբ,-նշում է The Guardian պարբերականի հոդվածագիր Միրիամ Էլդերը։ Այժմ ռուս միլիարդատեր մեդիամագնատն առաջ է ընկել միայնակ պայքար մղող հակապուտինյան ակտիվիստ և բլոգեր Ալեքսեյ Նավալնիից այն պահին, երբ Կրեմլը պատրաստվում է օրենքով սահմանափակել համացանցում ազատ մտքի արտահայտումը։ 

Նախօերին Լեբեդևը հայտարարել է, որ նախագահ Պուտինին շնորհել է նոր դեբետային քարտ, որը մշակվել է կոռուպցիայի դեմ պայքարի համար։  Ըստ հոդվածագրի, դա Ռուսաստանի իշխանությանը՝ մասնավորապես Պուտինին և նրա թիմին ուղղված արհամարական ժեստ է, ովքեր ամեն կերպ փորձում են իրենց առաջնորդի և իրենց վրայից մաքրել կոռումպացված լինելու և Ռուսաստանը թալանելու մեղադրանքերը։ 

Դեբետային քարտը թողարկելու է Լեբեդևի «Ազգային պահուստային բանկը»։ Քարտերի միջոցով իրականացվող բոլոր գնումների 1%–ը կփոխանցվի Նավալնիի ղեկավարած «РосПил» հակակոռուպցիոն ծրագրի արդյունավետ իրականացմանը։ 

Ինչպես նկատում է հոդվածագիրը՝ Նավալնին Ռուսաստանի ընդդիմության առաջամարտիկներից մեկը դարձել է շնորհիվ նրա, որ կոռուպցիայի դեմ պայքարում է համացանցի միջոցով, թեև, քննադատների կարծիքով, նոր օրենքի ընդունումը հարցականի տակ է դնում ինչպես Նավալնիի, այնպես էլ մի քանի միլիոն ռունսերի պայքարի շարունակումը համացանցի միջոցով։ 

Տեղեկատվական տեխոնոլգիաների փորձագետ Անդրեյ Սոլդատովը նշել է, որ ընդդիմության զանգվածային ակցիաներից հետո Դաշնային անվտանգության ծառայության աշխատակիցները ամենաշատը վախենում են սոցիալական ցանցերից։

«Մինչ այդ օրենքի ընդունումը մենք շատ գործեր ենք կատարել՝ մասնավորապես մարզերում, որտեղ դատախազությունը տեղի պրովայդերներին ստիպել է արգելափակել որոշ կայքեր։ Այժմ նման նախաձեռնությունը համընդհանուր բնույթ է ստանում, որն արդեն այլ հարց է», – գրում է The Guardian–ը՝ մեջբերելով Սոլդատովի խոսքերը։