Ազգային ժողովը միաձայն վավերացրեց 2 համաձայնագիր

ՀՀ ազգային ժողովը վավերացրեց  հեղինակային իրավունքներին և Ճապոնիայի հետ ազատ ներդրումներին վերաբերող երկու համաձայնագիր: Համաձայնագրերը վավերացնելու մասին նախագծերն ընդունվեցին ԱԺ-ի մարտի 28-ի հերթական նիստում:

Հեղինակային և հարակից իրավունքների կոլեկտիվ հիմունքներով կառավարման կարգի մասին համաձայնագիրը վավերացնելու մասին օրենքի նախագծին կողմ քվեարկեց 112 պատգամավոր:

Համաձայնագրով կարգավորվում է հեղինակային և հարակից իրավունքների ոլորտը ԵԱՏՄ անդամ երկրներում:

ՀՀ-ի և Ճապոնիայի միջև ներդրումների ազատականացման, խրախուսման և պաշտպանության մասին համաձայնագիրը վավերացնելու մասին օրենքի նախագծին կողմ քվեարկեց 112 պատգամավոր, դեմ և ձեռնպահ ձայներ չկային: