Ջուլֆալակյանը` Միհրան Հարությունյանի մասին
Սպորտ
Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանի կարծիքով՝ Օլիմպիական խաղերի արծաթե մեդալակիր Միհրան Հարությունյանը պետք է ապացուցի, որ գործող մարզիկ է՝ նորից թիմ հրավիրվելու համար:
«Աշխարհում չկա ոչ մի հավաքական, որի մարզիկը տանը նստած պատրաստվի մրցաշարերի: Երբ մարզիկը ապացուցի, որ կա որպես մարզիկ, մեր դռները բաց կլինեն նրա համար:
Մարզիկը պետք է լինի թիմի հավաքներին, մասնակցի միջազգային մրցաշարերի և ապացուցի, որ գործող մարզիկ է»,-լրագրողների հետ զրույցում ասաց Ջուլֆալակյանը:
Օրեր առաջ Միհրան Հարությունյանը ԶԼՄ-երի հետ զրույցում ասել էր, որ պատրաստ է վերադառնալ հավաքական թիմ և պատրաստվել Տոկիոյի Օլիմպիական խաղերին: Հարությունյանը այժմ հանդես է գալիս MMA-ում (խառը մենամարտեր) և անցկացրել է երկու հաղթական մենամարտ:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
