Ռաֆիկ Հարությունյանը սահմանեց Եվրոպայի երիտասարդական ռեկորդ

Բաթումիում շարունակվում է ծանրամարտի Եվրոպայի առաջնությունը:

Ինչպես արդեն տեղեկացրել ենք 81 կգ քաշային կարգում Հայաստանի ներկայացուցիչ Ռաֆիկ Հարությունյանը գրավեց 8-րդ տեղը` երկամարտում գրանցելով 344 կգ արդյունքը:

Հայ մարզիկը պոկում վարժությունում բարձրացերց 150 կգ ծանրաձողը, հրում վարժությունում` 194 կգ:

ՀԱՕԿ-ի կայքը տեղեկացնում է, որ  Հարությունյանը 194 կգ արդյունքով չորրորդն էր և  սահմանել է Եվրոպայի երիտասարդական (Մ-20) ռեկորդ:

Հայաստանի ներկայացուցիչներից պայքարն ավարտել են նաև Իզաբելլա Յայլյանը (59 կգ) եւ Արմեն Գրիգորյանը (73 կգ): Պոկում վարժությունում Յայլյանը նվաճել էր փոքր արծաթե մեդալ եւ 5-րդ տեղը գրավել երկամարտում, իսկ Արմեն Գրիգորյանը զբաղեցրել էր 9-րդ տեղը:

Հայաստանի հավաքականի կազմում Բաթումի են մեկնել նաեւ Լիաննա Գյուրջյանը (81 կգ), Տաթեւ Հակոբյանը (87 կգ), Արփինե Դալալյանը (+87 կգ), Հակոբ Մկրտչյանը եւ Դավիթ Հովհաննիսյանը (89 կգ), Արսեն Մարտիրոսյանը եւ Սամվել Գասպարյանը (102 կգ), աշխարհի չեմպիոն, օլիմպիական փոխչեմպիոն Սիմոն Մարտիրոսյանը (109 կգ), օլիմպիական փոխչեմպիոն Գոռ Մինասյանն ու Ռուբեն Ալեքսանյանը (+109 կգ):