«Հանուն մեր երեխաների ճակատագրի»․ Երևանում քայլերթ են սկսել ընդդեմ ԼԳԲՏ-ի
Հասարակություն
Այսօր մի խումբ քաղաքացիներ «Հանուն մեր երեխաների ճակատագրի» կարգախոսով քայլերթ են անցկացնում Երևանի փողոցներով` կոչ անել քաղաքացիներին միանալ նախաձեռնությանը:
Կազմակերպիչներից Արսեն Ավետիսյանը ԼՈւՐԵՐ.com-ի հետ զրույցում ասաց, թե համոզված է, որ որոշ տրանսգենդերներ ֆինանսավորվում են, որպեսզի ամեն կերպ իրենց քարոզն իրականացնեն Հայաստանում.
«Մենք կապ չունենք ոչ մի քաղաքական ուժի հետ, մենք միավորվել և պայքարում ենք միասեռականների քարոզի դեմ: Մեր քայլերթի նպատակն է իրազեկել քաղաքացիներին, որ վաղը մենք պատրաստվում ենք իրականացնել մեծ բողոքի ակցիա և երկար քայլերթ` պահանջելով արգելել տրանսգենդերների քարոզը մեր երկրում: Մենք, որպես ՀՀ քաղաքացիներ, մեր պարտքն ենք համարում անհանգստանալ մեր այսօրվա և ապագա սերունդների դաստիարակության, հայի կերպարը պահպանելու համար: Ամբողջ համացանցը լցված է այլասերվածներով, դրանք շեղում են մեր սերունդների ապագան»,-ասաց ակտիվիստը: Ակցիայի կազմակերպիչները ընդգծեցին, որ իրենց քայլերթը ասելիք է, որը պիտի հասցնեն բոլորին:
Սիլվի ՏԻԳՐԱՆՅԱՆ
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
