Վերջապես կարող եմ համաձայնել Շերի հետ. Թրամփի թվիթերյան գրառումը

Ինչպես նշում է Daily Mail-ը, նախօրեին Շերը Twitter-ում դեմ էր արտահայտվել ապօրինի ներգաղթյալներին ամերիկյան «քաղաք-ապաստարաններ» ուղարկելու առաջարկին:

Երգչուհին առաջարկել էր, որ դրա փոխարեն իշխանությունները մտածեն Լոս Անջելեսում (Շերը բնակվում է այնտեղ) արդեն ապրող անօթևանների, աղքատների մասին:

Նախագահ Թրամփն իր միկրոբլոգում կիսվել է երգչուհու գրառմամբ՝ կից գրելով. «Վերջապես համաձայն եմ Շերի հետ»:

Ավելի վաղ նախագահը սպառնացել էր ապօրինի ներգաղթյալներին ուղարկել «քաղաք-ապաստարաններ», քանի դեռ դեմոկրատները չեն համաձայնել իր առաջարկած միգրացիոն բարեփոխումները հաստատել: