Ռուսաստանի դիտորդները ԼՂՀ ընտրությունները որակավորել են լեգիտիմ

16 հոգուց բաղկացած ռուսական պատվիրակությունը, որը դիտորդական առաքելություն էր իրականացնում դեռևս չճանաչված Լեռնային Ղարաբաղի ընտրությունների ժամանակ, այսօր տարածել է իր եզրափակիչ հայտարարությունը, որում ընտրությունները որակավորել է որպես լեգիտիմ,-հաղորդում է РИА Новости-ն։

Ռուսաստանի Դաշնության դիտորդները բարձր գնահատական են տվել ընտրություններին՝ նշելով, որ այն անցել է քաղաքական պայքարի շրջանակում։

Իրենց խոսքերով՝ ընտրության օրը ոչ մի լուրջ խախտում չի ֆիքսվել, իսկ տեղում եղած որոշ թերություններ կրել են տեխնիկական բնույթ։