Մեծ Բրիտանիայի վարչապետի պաշտոնի հավակնորդների բանավեճերը կայացել են առանց Բորիս Ջոնսոնի

 Մեծ Բրիտանիայի Պահպանողական կուսակցության հաջորդ առաջնորդի պաշտոնի թեկնածուների միջեւ հունիսի 16-ի երեկոյան հեռուստատեսային բանավեճերը, որը պետք է երկրի կառավարության ղեկավարի պաշտոնում փոխարինի Թերեզա Մեյին, կայացել են առանց վարչապետական արշավի ֆավորիտ Բորիս Ջոնսոնի մասնակցության եւ բացարձակ հաղթողին չեն բացահայտել: Գրեթե երկժամյա բանավեճը, որը վարում էին Մեյին փոխարինողի հինգ հավակնորդներ, հեռարձակել է Մեծ Բրիտանիայի հեռուստատեսության չորրորդ ալիքը:

Մեծ Բրիտանիայի արտգործնախարարության նախկին ղեկավարը եւ Լոնդոնի նախկին քաղաքագլուխը տակավին հունիսի 15-ին հասկանալ էր տվել, որ բաց կթողնի չորրորդ ալիքում կայանալիք բանավեճերն՝ ըստ որում խոստանալով, որ կուսակից մրցակիցների հետ կբանավիճի հուլիսի 18-ի երեկոյան BBC-ում: Դրանից մի քանի ժամ առաջ պահպանողականները կանցկացնեն վարչապետի պաշտոնի հավակնորդների թեկնածուների՝ ներխմբակցային քվեարկության երկրորդ փուլը՝ պայքարից բացառելով թեկնածուներից նրանց, ովքեր բավականաչափ պաշտպանություն չեն վայելում:

Ինչպես ավելի վաղ պարզաբանել է Ջոնսոնը, մաղումից հետո բանավեճերը կանցնեն ավելի կառուցողական: Դրա հետեւանքով Ջոնսոնի համար վերապահված կենտրոնական հարթակը դատարկ է եղել, իսկ նրա մրցակիցները ֆավորիտին մեղադրել են ապագա վարչապետի համար անհրաժեշտ արիության բացակայության մեջ: Brexit-ի հարցերով նախկին նախարար Դոմինիկ Ռաաբը վարչապետի թեկնածուներից միակն էր, որն, ինչպես եւ ֆավորիտն ինքը, պնդել է, որ երկիրը պետք է Եվրամիությունից դուրս գա հոկտեմբերի 31-ից ոչ ուշ, նույնիսկ եթե դա նշանակի Brexit առանց գործարքի կամ խորհրդարանի արձակում: Նրա մրցակիցներն, ընդհակառակը, քննադատել են այդ մոտեցումը գերադասելով բռնել ավելի ճկուն դիրք եւ հնարավոր են համարել Brexit-ի նոր հետաձգումը, եթե դա թույլ տա Եվրամիության հետ գործարք կնքել ավելի շահավետ պայմաններով կամ հասնել Համայնքների պալատի հավանությանը դրա ներկայիս տարբերակի համար, հաղորդել է ՏԱՍՍ-ը: