Հարկերի վճարումն ուղղակիորեն ազդում է ՀՀ քաղաքացու կյանքի բարելավման վրա․ Ավինյան
Քաղաքական
ՀՀ կառավարության կողմից իրականացվող բոլոր ծրագրերի գումարը գոյացել է հավելյալ հավաքագրումից, որոնք, քաղաքացիների վարքագծից ելնելով, Պետական եկամուտների կոմիտեն կարողացել է հավաքագրել։ Այս մասին հուլիսի 4-ի ՀՀ կառավարության նիստում նշեց ՀՀ փոխվարչապետ Տիգրան Ավինյանը։
«Այս գործընթացը պետք է լինի շարունակական. ՀՀ քաղաքացիները պետք է շարունակեն պահանջել ՀԴՄ կտրոններ, իսկ տնտեսավարողները պետք է լինեն բարեխիղճ հարկատուներ, որովհետև մենք ճիշտ ուղղություններով ենք այս գումարները ծախսում՝ մարդկային կապիտալի զարգացման համար։ Դրանք են՝ առողջապահական, կրթական, գիտության, ենթակառուցվածքների ծրագրերը»,- ասաց Ավինյանը։
Փոխվարչապետն անհրաժեշտ է համարում անընդհատ այս թեմային անդրադառնալը, որպեսզի ՀՀ յուրաքանչյուր քաղաքացի հասկանա և տեսնի, որ հարկեր վճարելու և ՀԴՄ կտրոններ պահանջելու առումով պատասխանատու մոտեցումն ուղղակիորեն ազդում է ՀՀ յուրաքանչյուր քաղաքացու վրա։
«Միևնույն ժամանակ, տնտեսավարողների համար պետք է ավելի լավ պայմաններ ստեղծենք և մենք այդ ուղղությամբ նույնպես աշխատում ենք։ Էկոնոմիկայի նախարարությունը որպես այդ գործընթացի պատասխանատու բավականին լավ ներգրավված է և առաջ է տանում այդ հարցերը»,- եզրափակեց Ավինյանը։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
