«Սպարտակ»-ի նախկին ֆուտբոլիստը միացել է Երևանի «Արարատ»-ին

Երևանի «Արարատ»-ի կազմը համալրել է Մոսկվայի «Սպարտակի» և Ռուսաստանի ազգային հավաքականի նախկին խաղացող Եվգենի Մակեևը:

Այս մասին հայտնում է ակումբի մամուլի ծառայությունը: 29-ամյա կիսապաշտպանը 2007-2017 թվականները պաշտպանել է Մոսկվայի «Սպարտակի» գույները: Հանդես է եկել նաև «Ռոստովում», «Սոչիում» և «Ռոտորում»: Ռուսաստանի ազգային ընտրանու կազմում անցկացրել է 3 հանդիպում:

«Արարատի» հետ Մակեևի պայմանագիրը նախատեսված է 1 տարով: Ֆուտբոլիստը թիմին կմիանա մոտ օրերս: