Արտյոմ Խաչատուրովը երկարաձգել է պայմանագիրը «Լոռի»-ի հետ

«Լոռի» ՖԱ-ն երկարաձգել է պայմանագիրը թիմի ավագ  Արտյոմ Խաչատուրովի հետ:

Այս մասին հայտնում  է ակումբի մամուլի ծառայությունը: Խաչատուրովը «Լոռի» էր տեղափոխվել 2018 թվականի փետրվարին: Վանաձորյան ակումբի մարզաշապիկով դարձել է Հայաստանի Առաջին խմբի չեմպիոն: Բարձրագույն խմբի առաջնությունում մասնակցել է 26 հանդիպման, դարձել 1 գոլի և երկու գոլային փոխանցման հեղինակ:

Հայաստանի ազգային հավաքականի կազմում պաշտոնական խաղում նորամուտը նշել է 2018 թվականի հոկտեմբերի 16-ին՝ մասնակցելով Մակեդոնիայի դեմ տարած ջախջախիչ հաղթանակին (4:0): Մեր ընտրանու կազմում մասնակցել է նաև Լիխտենշտեյնի հետ խաղին:

«Լոռիի» ավագի հետ կնքած նոր պայմանագիրն ուժի մեջ է մինչև 2020 թվականի ամառը: