Բացահայտվել է Արևշատ գյուղի գերեզմանատանը կատարված դանակահարությունը (տեսանյութ)

Սեպտեմբերի 2-ին, ժամը 13-ի սահմաններում, ոստիկանության Արտաշատի բաժնում հիվանդանոցից հաղորդում էր ստացվել, որ «որովայնի կտրած-ծակած արնահոսող վերք» ախտորոշմամբ բուժօգնության է դիմել Դիտակ գյուղի 29-ամյա մի բնակիչ: 

Նյութերի նախապատրաստման ընթացքում իրավապահները պարզեցին, որ նրան Արևշատ գյուղի գերեզմանատանը, գումարային հարցերի շուրջ ծագած վիճաբանության ժամանակ, դանակահարել է Երևանի Արտաշիսյան փողոցի 27-ամյա մի բնակիչ:

Սեպտեմբերի 8-ին համալիր որոնողական աշխատանքների արդյունքում կասկածվողը Արագածոտնի Ուջան գյուղում հայտնաբերվեց և բերման ենթարկվեց ոստիկանության Արտաշատի բաժին:

Տուժողից ընդունվել է հաղորդում:

Հանգամանքները պարզվում են:

Քննությունը շարունակվում է: