Մեդվեդևը չի բացառում, որ կրկին կառաջադրի իր թեկնածությունը նախագահի պաշտոնում
Ռուսաստան
Ռուսաստանի վարչապետ Դմիտրի Մեդվեդևը չի բացառում, որ կրկին կառաջադրվի նախագահի պաշտոնում, և կարծում է, որ նրա՝ քաղաքականությունից հեռանալը դեռ անիմաստ է:
«Ես այդքան էլ ծեր քաղաքական գործիչ չեմ: Ես երբեք չեմ բացառել, որ ապագայում, քանի դեռ չեմ պատրաստվում հեռանալ քաղաքական կյանքից, կառաջադրվեմ նախագահի պաշտոնում: Եթե, իհարկե, դա հետաքրքիր լինի մեր ժողովրդին», - ընդգծել է Մեդվեդևը Times-ին տված հարցազրույցում։
Վարչապետը նշել է, որ պատկերացնում է իր տեղը նաև իրադարձությունների այլ զարգացման դեպքում. «Եթե մեր ժողովուրդը հոգնի և ասի ինձ «Goodbye», ապա ես կսկսեմ հուշեր գրել», - ասել է Մեդվեդևը։ «Սակայն ես վստահ եմ, որ ոչ ես, ոչ էլ այն քաղաքական ուժը, որին ներկայացնում եմ, պատճառներ չունեն ակտիվ քաղաքական կյանքից դուրս գալու համար: Ուստի ես ինքս ինձ համար, իհարկե, ոչինչ չեմ բացառում», - ասել է Ռուսաստանի վարչապետը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
