Թուրքական ու ադրբեջանական պատվիրակությունները լռությամբ պատասխանեցին ինձ․ Վահե Էնֆիաջյան (տեսանյութ)

Ազգային ժողովի նախագահի տեղակալ Վահե Էնֆիաջյանը խոսել է ՍԾՏՀ ԽՎ իրավաքաղաքական հարցերով հանձնաժողովի նիստում ունեցած իր ելույթի, Թուրքիայի և Ադրբեջանի պատվիրակությունների բարձրացրած հարցերի և տեղի ունեցած կոնֆլիկտի մանրամասների մասին:

«Թուրքիայում, ի պատասխան Թուրքիայի և Ադրբեջանի պնդումների, մենք բոլոր առիթներով բարձրաձայնում ենք, որ Արցախի Հանրապետությունը երբեք ու երբեք Ադրբեջանի կազմում չի եղել: Նրանք նույնիսկ տնտեսական հարթակն օգտագործում են քաղաքական հարցեր քննարկելու, մասնավորապես իրենց շահն ու դիրքորոշումն առաջ տանելու համար»,- ասաց Էնֆիաջյանը:

Քաղաքական հարցերի հանձնաժողովի ժամանակահատվածում Էնֆիաջյանն անդրադարձել է տարածաշրջանի հիմնախնդիրներին:

Նրա կարծիքով՝ Հայաստանի Հանրապետությունն իր տնտեսությամբ շատ մոտ ու, ըստ էության, անմիջական ազդեցության տակ է գտնվում սևծովյան տնտեսական ավազանում տեղի ունեցող գործընթացների: Այդ իսկ պատճառով, այս կառույցի աշխատանքները Հայաստանի համար չափազանց կարևոր են տնտեսական և քաղաքական առումով:

Էնֆիաջյանն իր ելույթում մատնանշել է Բաքու-Թբիլիսի-Կարս ճանապարհի կառուցապատմանը, անդրադարձել Թուրքիայի և Ադրբեջանի կողմից Հայաստանը բլոկադայի ենթարկող գազամուղին: «Բոլոր պատվիրակությունների մոտ հստակ մատնանշվել է, որ այն ուղին, որով շարժվում են Ադրբեջանն և Թուրքիան միջազգային նորմերի խախտում է. քաղաքական նախադրյալներով փակ սահմաններ պահելն ուղղակի անընդունելի է: Ակնկալում ենք միջազգային ամենատարբեր կառույցների, մարմինների համարժեք վերաբերմունքն ու գնահատականը Թուրքիայի և Ադրբեջանի նկատմամբ՝ իրենց գործելաոճի մասով: Այս ձևակերպումները ես հնչեցրել եմ, և, ի զարմանս ինձ և մեր օտարերկրյա գործընկերների, թուրքական ու ադրբեջանական պատվիրակությունները լռությամբ պատասխանեցին ինձ»,-ասաց Էնֆիաջյանը: