Մարդու իրավունքները սփյուռքահայերի աչքերով

«Մարդու իրավունքները ՀՀ-ում սփյուռքահայերի աչքերով». այսպիսի խորագիր էր կրում հուլիսի 30-ին Պաշտպանի աշխատակազմի Շիրակի տարածքային գրասենյակում տեղի ունեցած նախաձեռնության մեկնարկը:

Հանդիպմանը ներկա էին մի շարք սփյուռքահայ երիտասարդներ, ովքեր ծանոթացան Մարդու իրավունքների պաշտպանի գրասենյակին, գործունեությանը, Պաշտպանի իրավասությունների ու լիազորությունների շրջանակին:

Օրվա քննարկման թեման «Կոռուպցիան» էր, որի շուրջ թեժ բանավեճ ծավալվեց, երբ սփյուռքահայ երիտասարդները բարձրաձայնեցին Հայաստանում իրենց հանդիպած կոռուպցիոն դեպքերի մասին: Կամավորներից մեկն էլ առաջարկ արեց Պաշտպանի գրասենյակում բացել հակակոռուպցիոն բաժին, որը կհամագործակցի Հայաստանում կոռուպցիայի դեմ պայքարող հասարակական կազմակերպություննների հետ: