Սիրիահայերը չեն ցանկանում մշտապես Հայաստանում մնալ. Հրանուշ Հակոբյան

Սիրիահայերի մեծ մասը չի ցանկանում մշտապես հաստատվել Հայաստանում. նրանք սպասում են Սիրիայում իրավիճակի կարգավորմանը, որպեսզի այնտեղ վերադառնան։ Այսօր՝ օգոստոսի 2-ին լրագրողների հետ ճեպազրույցում այդ մասին ասաց ՀՀ սփյուռքի նախարար Հրանուշ Հակոբյանը։

Նախարարը հայտնեց, որ Հայաստանում փախստականի կարգավիճակ ստանալու համար առայժմ դիմել է 30 ընտանիք: Մոտ 800 ընտանիքներ Հայայստանում բնակարաններ էին ձեռք բերել դեռ տարիներ առաջ, ու առայժմ ժամանակավորապես ապրում են իրենց բնակարաններում:

Հրանուշ Հակոբյանի հաղորդմամբ՝ ՀՀ կառավարությունը կօժանդակի, որպեսզի 300-400 սիրիահայ երեխաներ ամառային արձակուրդը Հայաստանի հանգստավայրերում անցկացնեն:

Նախարարը նաև ասաց, որ իրականությանը չեն համապատասխանում լուրերը, թե Սիրիայից դուրս է հանվելու Հայաստանի դեսպանատունը: