Պոլսի «Վարդանանց» երգչախումբը Սփյուռքի նախարարության հյուրն էր
Սփյուռք
Օգոստոսի 2-ին ՀՀ սփյուռքի նախարարությունը հյուրընկալեց Պոլսի «Վարդանանց» երգչախմբի անդամներին: Երգչախումբը Հայաստան է ժամանել «Իմ Հայաստան» համահայկական փառատոնի «Խմբերգային արվեստի օրերին» մասնակցելու համար:
Հանդիպմանը ներկա էին Պոլսո Հայոց Պատրիարքության պատրիարքական ընդհանուր փոխանորդ Արամ արքեպիսկոպոս Աթեշյանը, կրոնական ժողովի ատենապետ Տեր Թաթուլ ծայրագույն վարդապետ Անուշյանը, Սեդրակ սարկավագ Տավութհանը, «Մարմարա» թերթի փոխխմբագրապետ Մաքրուհի Հակոբյանը, երգչախմբի վարիչ Ատրուշան Հալաջյանը և երգչախմբի անդամներ:
ՀՀ սփյուռքի նախարար Հ.Հակոբյանը, ողջունելով ներկաներին, հորդորեց,- «Ճանաչել և ճանաչելով ավելի սիրել Հայրենիքը»՝ նկատի ունենալով, որ երգչախմբի որոշ անդամներ առաջին անգամ են Հայաստանում:
Հանդիպման ընթացքում անդրադարձ կատարվեց Մերձավոր Արևելքի հայկական համայնքների խնդիրներին, իսկ ավարտին հյուրերը դիտեցին «ՀՀ սփյուռքի նախարարությունը 3 տարեկան է» ֆիլմը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
