«Սփյուռք» ամառային դպրոց-2012-ն ավարտվեց
Սփյուռք
Ազգային երգի ու պարի դասընթացների վերջին ակորդով ավարտվեցին ՀՀ սփյուռքի նախարարության հիմնած «Սփյուռք» ամառային դպրոցի 2012թ. դասընթացները:
Ամփոփիչ խոսքով հանդես եկավ ՀՀ սփյուռքի նախարարության աշխատակազմի համահայկական ծրագրերի վարչության պետ Ա.Մխիթարյանը: Նա շեշտադրելով ծրագրի կարևորությունը նշեց, որ «Հայրենիք-Սփյուռք գործակցության դիտանկյունից անսահման կարևորվում է «Սփյուռք» ամառային դպրոցի հիմնադրումն ու գործունեությունը, և պատահական չէ, որ այն հանդիսանում է ՀՀ կառավարության գերակա ուղղություններից»:
ԵՊՀ պրոռեկտոր Ա.Գրիգորյանն ու ԵՊՀ մշակույթի կենտրոնի ղեկավար Կ.Դավթյանն իրենց շնորհակալությունը հայտնեցին ՀՀ սփյուռքի նախարարությանը և մասնավորապես նախարար Հ.Հակոբյանին.- «այսքան կարևոր և լավ մտածված ծրագիր իրագործելու», իսկ մասնակիցներին՝ ակտիվության համար:
«Սփյուռք» ամառային դպրոցի մասնակիցներին ՀՀ սփյուռքի նախարարության կողմից հանձնվեցին հավաստագրեր և նվերներ, իսկ ԵՊՀ մշակույթի կենտրոնի ղեկավար Կ.Դավթյանին շնորհակալագիր՝ ծրագրին գործուն աջակցելու համար:
Հիշեցնենք, որ ՀՀ սփյուռքի նախարարության նախաձեռնությամբ և Երևանի պետական համալսարանի հենքի վրա ստեղծված ««Սփյուռք» ամառային դպրոց» ծրագիրը շարունակական է և ամենամյա:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
