Ես երբեք թիկնապահներով չեմ շրջել, քայլել եմ Երեւանի փողոցներում՝ իմ բալիկների, կնոջս հետ. Լեւոն Քոչարյան

«Ես երբեք թիկնապահներով չեմ շրջել, չեմ ունեցել թիկնապահ։ Մենակով քայլել եմ Երեւանի փողոցներում՝ իմ բալիկների, կնոջս հետ։ Հուսադրում է նաեւ այն, որ ինձ մոտենում են մարդիկ, նույնիսկ ներողություն խնդրում կամ վատ զգում, ասելով, որ ինչ-որ ժամանակ եղել է հավատացել ենք ինչ-որ հիմարությունների, կեղծիքների»,- այս մասին այսօր՝ դեկտեմբերի 25-ին, լրագրողների հետ զրույցում ասաց Լեւոն Քոչարյանը՝ պատասխանելով հարցին՝ արդյոք քայլե՞լ է Երեւանի փողոցներով և շփվելով քաղաքացիների հետ ինչ կարծիք ունի՝ ի՞նչ տրամադրվածություն ունեն նրանք Ռոբերտ Քոչարյանի ազատ արձակման հարցի վերաբերյալ։

Լեւոն Քոչարյանն ասաց, որ ցանկացած գործողությունն՝ ուղղված իրենց աջակիցների դեմ, չի հուսահատեցնում. «Երբ դու ունես այն վստահությունը, որ ոչ մի սխալ բան չի արվել, այսինքն՝ այն մեղադրանքները, ամեն ինչը ներսից, որ հասկանում ենք դրա փուչ էությունը, ջուր լինելը։ Այդ կեղծիքը ինչ-որ մի տեղ ավարտվում է, հնարավոր է՝ ինչ-որ մի ժամանակ խաբել, մոլորեցնել մարդկանց, սակայն դա երկար կյանք չի կարող ունենալ։ Չնայած այս կեղտոտ, ուղղորդված արշավներին, հսկա հարձակումներին իշխանության կողմից մեր իրական աջակիցների դեմ, մեզ ինչ-որ տեղ սատարող մարդկանց նույնիսկ այն մարդկանց, ովքեր մեզ սատարում են , այլ ուղղակի կողմ են արտահայտվում իրավական պետություն ունենալուն արդար դատարավարությունը, վկայում է, որ մենք գործ ունենք մի իշխանության հետ, որը ոչնչի առաջ կանգ չի առնում։ Չնայած իրենց գործելոճին, այսքան մարդու միանալն ու աջակցելը, իհարկե, հույս է տալիս»,- նշեց նա։