«Տաղանդների գնահատումը և զարգացումը Հայաստանում» խորագրով քննարկում (տեսանյութ)

Grow edutainment-ը իր «Առաջնորդների քարտեզ» ծրագրի առթիվ կազմակերպել էր քննարկում՝ «Տաղանդների գնահատումը և զարգացումը Հայաստանում» խորագրով: Ծրագիրը սկսվել է «Unsmoke your world» շարժման աջակցությամբ, որի նպատակն է աջակցել Հայաստանում անհատների ներուժի բացահայտմանն ու տաղանդների զարգացմանը։ «Առաջնորդների քարտեզ» ծրագրի առաջին մասը մեկնարկել է «Ֆիլիպ Մորրիս Արմենիա» ընկերության հետ, որը 2019 թվականին Հայաստանում հավաստագրվել է որպես լավագույն գործատու՝ տաղանդների կառավարման ոլորտում առկա առաջադեմ փորձառության շնորհիվ։

Այս համագործակցության արդյունքում դեկտեմբեր-հունվար ամիսներին 150-ից ավել մասնակիցների համար ծրագիրը հասանելի կլինի անվճար։ Մասնագետներն այն կարծիքին են, որ մեր երկրում, ցավոք, առկա է զգալի բաց՝ կրթական հաստատությունների և աշխատաշուկայի պահանջների և մարտահրավերների միջև, որի հետևանքով մեծ թվով անհատների առաջնորդական ներուժը մնում է չբացահայտված, որից տուժում են թե՛ պոտենցիալ աշխատողները, թե՛ կազմակերպությունները, թե՛, ի վերջո, պետությունը։ Ծրագիրը լինելու է շարունակական և նպատակ է ունենալու միջազգային առաջադեմ գնահատման այս մեթոդը հասանելի դարձնել Հայաստանում լայն զանգվածների համար։