Գագիկ Ծառուկյանը դրամական խոշոր պարգևներ է հանձնել 2019թ.-ի լավագույն մարզիկներին և մարզիչներին

Հայաստանի ազգային օլիմպիական կոմիտեի նախագահ Գագիկ Ծառուկյանն այսօր դրամական խոշոր պարգևներ է հանձնել մրցաշրջան 2019-ում Հայաստանի պատիվը բարձր պահած մարզիկներին: Դրամական պարգևներ են ստացել նաև հավաքականների մարզիչները:

Գագիկ Ծառուկյանը նշել է, որ 2020 թվականը օլիմպիական է, և մարզիկները պետք է աշխատեն էլ ավելի մեծ եռանդով ու ջանասիրությամբ, որպեսզի Տոկիոյում գերազանցենք Ռիոյի օլիմպիական խաղերի ցուցանիշը: