Google Chrome-ն իր նոր թարմացմամբ ոչնչացրել է օգտատերերի տվյալները

Շարժական սարքերի համար նախատեսված Chrome 79 բրաուզերի թարմացման հետևանքով ջնջվել են օգտատերերի տվյալները: Այս մասին հաղորդում է 9to5google-ը:

Օգտատերերը, որոնք թարմացրել են Chrome բրաուզերը իրենց շարժական սարքերում, զանգվածաբար հայտնել են տվյալների ոչնչացման մասին: Բազմաթիվ օգտատերեր կորցրել են տվյալներին հասանելիությունը, չեն կարողացել մուտք գործել Twitter, Facebook և այլ սոցիալական ցանցեր:

Պարզվել է, որ ծրագրերը դադարել են աշխատել Google Chrome 79-ի WebView բաղադրիչի պատճառով:

Google-ն ուշադրություն է դարձրել խնդրի վրա այն բանից հետո, երբ օգտատերերի ավելի քան կեսը ստացել է թարմացումը: Ընկերությունը ներողություն է խնդրել և խոստացել առաջիկայում շտկել խնդիրը: