Ռուսաստանում ճանապարհները կկառուցեն Եվրոպական չափանիշներով

Ռուսաստանի Դաշնությունում կարող է հայտնվել ճանապարհաշինական չափանիշների տեխնիկական նոր կանոնակարգ, որը մշակվել է եվրոպական չափանիշներով: Համապատասխան նախաձեռնությամբ, "Известия"-ի հաղորդմամբ, հանդես է եկել ՌԴ պետական Դումայի պատգամավոր Իվան Դեմչենկոն:

Ռուսաստանում գործող ճանապարհաշինական չափանիշների տեխնիկական կանոնակարգը ստեղծվել է ԽՍՀՄ–ի շրջանում՝ 1970-ական թվականներին (այն գործում է նաև ՀՀ-ում) և այն, ըստ նոր կանոնակարգի հեղինակի, ժամկետնանց է: Այն ժամանակ, երբ Եվրոպայում արդեն սկսում են կառուցել 50 տարվա դիմացկունությամբ ճանապարհներ, ռուսական ճանապարհները, ըստ գործող կանոնակարգի, նախատեսված են 3 տարվա շահագործման համար:

Սակայն, առավել որակով և մի քանի անգամ ավելի երկարակյաց ճանապարհների արժեքն ավելի թանկ կլինի ընդամենը 15 տոկոսով։

Պետական դումայի՝ Տրանսպորտի հարցերով մշտական հանձնաժողովի նախագահ Օլեգ Նիլովը հայտարարել է, որ մտադիր է սատարել Իվան Դեմչենկոյի նախաձեռնությունը: