«Կոմերսանտ-FM»–ը նոր գլխավոր խմբագիր ունի

«Կոմերսանտ-FM» ռադիոկայանի նոր գլխավոր խմբագիր է նշանակվել Ալեքսեյ Վորոբյովը, որն ավելի վաղ զբաղեցրել է ռադիոկայանի գլխավոր խմբագրի տեղակալի պաշտոնը։ Այս մասին ասված է «Կոմերսանտ-FM»–ի՝ Twitter–ում հրապարակված հաղորդագրության մեջ։

Գլխավոր խմբագրի պաշտոնում Վորոբյովը փոխարինել է Դմիտրի Սոլոպովին, որը հայտարարել էր իր հեռանալու մասին դեռևս հուլիսին։ Սոլոպովը որոշել է զբաղվել սեփական բիզնեսով, այն է՝ «Իդալգո» գովազդային ընկերության ղեկավարմամբ։

Twitter–ի իր էջում Սոլոպովը գրել է, որ Վորոբյովը կղեկավարի ռադիոկայանն իր իսկ խնդրանքով։