Ինչու ծեծել կամ պատժել մեկին, երբ կարելի է ֆեյսբուքում այդ մարդուն բարոյապես նվաստացնել, ոչնչացնել. Անի Սամսոնյան

ԱԺ պատգամավոր Անի Սամսոնյանը ֆեյսբուքյան իր էջում գրում է. «Ախր, սիրելի մարդիկ, ինչու ծեծել կամ պատժել մեկին, երբ կան ավելի հզոր գործիքներ: Օրինակ`ֆեյսբուքում այդ մարդուն բարոյապես նվաստացնել, ոչնչացնել, դարձնել բոլորի քննարկման առարկան, ԴԱՏԱՓԵՏԵԼ և թույլ տալ, որ նրա նկատմամբ այս տիրույթում մարդիկ արտահայտեն իրենց սրտի ուզածը (սեռական հայհոյանք, սպառնալիք, հազար ու մի բան), ինչպես և արվում է մետրոյում հանդիպած աղջկա նկատմամբ: Այդպես եք փորձում լռեցնել մարդկանց:

Այո, ընդդիմադիրների ֆիզիկական անձեռնմխելիությունը դժվար թե մեկը ձեր բառապաշարով` «դուխ անի» խախտելու, այ հոգեկանն ու բարոյականը` չեն խոստանում:

Ի՞նչ եք ուզում: Գիշեր ցերեկ աղոթենք ձեզ համար, որ դուք մեզ չեք ծեծում, մեր մեքենաները չեք վառում, չեք սպառնում, հա՞: Ինչու անել նման բաներ, երբ ֆեյսբուքի «դուխովները» կան ու կան:

Ամաչում եմ ձեր փոխարեն»: