Հույս ունեմ՝ Աննայի հանդիպումների արդյունքները շուտով կերևան․ վարչապետ

ՀՀ վարչապետ Նիկոլ Փաշինյանը, իր ֆեյսբուքյան էջում լուսանկարներ է հրապարակել Աննա Հակոբյանի և Բրազիլիայի առաջին տիկնոջ հանդիպումից և գրառում կատարել։ Նա մասնավորապես գրել է․

«Նման շփումները չափազանց կարեւոր եմ համարում Հայաստանի տեսանելիությունն ու հեղինակությունը աշխարհում մեծացնելու համար։ Նաեւ սա նկատի ունեմ, երբ ասում եմ, որ կանանց ներուժը լիարժեք պետք է ներգրավվի մեր երկրի զարգացման գործում։

Աննան շատ հետաքրքիր այց եւ հանդիպումներ է ունենում, որոնց մասին տեղեկատվությունը առաջիկայում կտարածվի։ Հույս ունեմ՝ շուտով կերեւան նաեւ կոնկրետ արդյունքները, որոնք իսկապես կարող են կարեւոր լինել, այդ թվում Հայաստանում կանանց գործունեությունը խթանելու իմաստով»։