Վիտալի Բալասանյանը ծաղիկներ է նվիրել կանանց Ստեփանակերտում (լուսանկարներ)

Արցախի Հանրապետության նախագահի թեկնածու Վիտալի Բալասանյանը շնորհավորել է մարտի 8-ի առթիվ և ծաղիկներ բաժանել Ստեփանակերտում։ Ստորև՝ թեկնածուի ֆեյսբուքյան էջի գրառումը․

«Շնորհավորանքներ, ծաղիկներ եւ ծառատունկ՝ Մարտի 8-ին

Արցախի նախագահի թեկնածու, Արցախի հերոս, գեներալ Վիտալի Բալասանյանը Մարտի 8-ի տոնական օրը մեկնարկել է Արցախի մայրաքաղաք Ստեփանակերտում՝ կանանց եւ աղջիկներին շնորհավորելով։ Նա փողոցում ծաղիկներ է նվիրել եւ ջերմ շնորհավորանքներ հղել բոլոր կանանց։ Բալասանյանը եղել է նաեւ Արցախի նախագահի մյուս թեկնածուների գրասենյակներում, որտեղ եւս շնորհավորել է գեղեցիկ սեռի ներկայացուցիչներին։

Գարնանային այս օրը, բնության զարթոնքի եւ վերածննդի առիթով, նա նաեւ Ստեփանակերտում, Եղբայրական գերեզմանի հարեւան տարածքում, ծառատունկ է իրականացրել։ Գարնանամուտի խորհրդանշական այս ակցիայով Վ.Բալասանյանը պատվել է հանուն Արցախի հարատեւության բոլոր ընկածների հիշատակը»։