Ջիգանը հեռացել է կնոջից, սափրել գլուխն ու հոնքերը (լուսանկարներ, տեսանյութ)
ԼուսանկարներՌուսական շոու բիզնեսի հայտնի ընտանիքներից մեկը՝ ռեփեր Ջիգանի և կնոջ՝ Սամոյլովա Օքսանայի, օրերս ընտանեկան ճգնաժամ է ապրում։ Ինչպես հայտնում են ռուսական լրատվամիջոցները, Սամոյլովան անսպասելիորեն հայտարարել է, որ շատ է կարոտում Ռուսաստանը։ Երկրպագուներն անհանգստանում են, որ մոդելը տնից հեռու իրեն հարմար չի զգում, հատկապես վերջերս ամուսնու ոչ ադեկվատ պահվածքի պատճառով։ Օքսանա Սամոյլովան հայտարարել է տուն վերադառնալու մասին Ջիգանի հարբած քայլերից հետո։
Մի քանի օր առաջ արտիստը ոչ սթափ վիճակում Instagram-ում ուղիղ եթերում է եղել, որի ընթացքում հայհոյել է ու խմել։ Նա նաեւ մի քանի տեսանյութ է հրապարակել, որոնցում նկատելի է, որ ռեփերը սափրել է մորուքն ու հոնքերը։ «Ես հոգեկան հիվանդ եմ, ինձ լավ են բուժում, լավ են կերակրում։ Տեսնում եք՝ ես «հոգեբուժարանում եմ»»,- հայտարարել է ռեփերը։
Ամուսինները, կարծես թե, որոշել են առանձին ապրել։ Ըստ լուրերի՝ Ջիգանը ոչ թե գտնվում է տանը՝ երեխաների հետ, այլ Մայամիի այլ շրջանում. արտիստը կանգ է առել Palm Beach Shores Rehab-ում։
Սամոյլովան հանրությանը Ինստագրամի սթորիներում գրել է․ «Ես, պարզապես, չեմ ցանկանում արթնանալ այս աշխարհում»։
Ջիգանը չի դադարում փորձել հաշտվել կնոջ հետ։ Երաժիշտը սոցիալական ցանցերում Օքսանային հուզիչ շնորհավորել է մարտի 8-ի առիթով։ «Ես սիրում եք քեզ, թանկագինս եւ հավերժ կսիրեմ։ Դու փրկել ես իմ կյանքը։ Նա, ով մի կյանք կփրկի, կփրկի ամբողջ աշխարհը»,- գրել է նա։