Ինձ զանգեց Սուրեն Պապիկյանն ու ասաց՝ գանգով նկարի հետ կապ չունեն․ Էդմոն Մարուքյան (տեսանյութ)

ՀՀ ազգային ժողովի «Լուսավոր Հայաստան» խմբակցությունը վերահաստատում է՝ չի մտնում քարոզչության մեջ, չի մեկնաբանում քարոզարշավի ընթացքը:

Խմբակցության ղեկավար Էդմոն Մարուքյանը նման տեսակետ հայտնեց խորհրդարանական ճեպազրույցում՝ անդրադառնալով հարցին, թե ինչ գնահատական կտան «Այո»-ի և «Ոչ»-ի քարոզարշավին:

Նա տեղեկացրեց, որ «Այո»-ի շտաբներից մեկի վրա գանգ է նկարված եղել ու գրված է եղել ԼՀԿ։ Մարուքյանը նշեց՝ իր հետ կապ է հաստատել Սուրեն Պապիկյանը, վստահեցրել, որ իրենք որևէ կապ չունեն դրա հետ, սակայն կհետևեն, տեսնեն, թե ով է դրել և կհանեն: «Ուրիշ որևէ ձևով որևէ կերպ որևէ բանում ներառված չենք և չենք կարող մեկնաբանել»,-ասաց նա:

Անդրադառնալով հարցին, թե արդյոք խախտում արձանագրե՞լ են քարոզարշավում, նա նշեց՝ չեն հետևում, որ խախտում արձանագրեն: «Մեն պաշտոնական կողմ չենք  գրանցված ԿԸՀ-ում, քանի որ չենք հետևում խախտումներն և չենք կարող արձանագրել»,-ասաց Մարուքյանը:

Նա վստահ է՝ հանրաքվեի չկայանալու որևէ տարբերակ չկա, այն միանշանակ կայանալու է: Անդրադառնալով հարցին, թե ինչ է կարծում, ի վերջո, կլինե՞ն, արդյոք, սահմանադրական փոփոխություններ՝ Մարուքյանն ասաց՝ չի կարող ասել: «Կարծում եմ, որ խնդիր չպետք է  լինի: Մարդիկ վստահում են իշխանությանը, հետևաբար այդ առումով ես խնդիր չեմ տեսնում»,-ասաց նա: