Սամոյլովան մանրամասնել է՝ Ջիգանն իրեն ծեծի չի ենթարկել

Ընտանեկան դրամայից հետո Օքսանա Սամոյլովան աստիճանաբար վերականգնվում է: Ջիգանի կինը քիչ֊քիչ կարողացել է ի մի բերել մտքերն ու մեկնաբանել տեղի ունեցածը: Նա հերքել է տեղեկություններն այն մասին, որ ռեփերը, գտնվելով ոչ սթափ իճակում, ծեծի է ենթարկել իրեն:

Նա ասել է նաև, որ մտադիր չէ այս պահին Ջիգանին զրկելու ծնողական իրավունքներից: Կինը պատրաստ է աջակցելու իր երեխաների՝ ծանր վիճակում գտնվող հորը, գրում է 7days.ru֊ն:

«Ես նույնիսկ չգիտեմ, թե որտեղից պետք է սկսել: Ես պարզապես լռում էի, բայց հաշվի առնելով ստեղծված իրավիճակը, ես երևի պետք է որոշ մեկնաբանություններ տամ։ Նախ և առաջ ուզում եմ ասել, որ ոչ ոք ինձ չի ծեծում, ոչ էլ երեխաներին: Ես ոչ մեկին չեմ զրկելու ծնողական իրավունքներից: Ինչ կլինի հետո, ես չգիտեմ: Շնորհակալություն բոլորիդ աջակցության և կարեկցանքի համար», ֊ասել է Սամոյլովան:

Հիշեցնենք, որ մոտ մեկ շաբաթ առաջ Օքսանա Սամոյլովան ամուսնուն՝ ռեփեր Ջիգանին, տեղափոխել է Seaside Palm Beach Rehab էլիտար վերականգնողական կենտրոն, որտեղ նրան օգնում են պայքարելու ալկոհոլի և թմրամոլության դեմ: Ռեփերը օրեր առաջ երկրպագուներին հայտնել էր, որ ինքն արդեն վերականգնվում է:

Այս թեմայով Օքսանա Սամոյլովան խոստովանել է, որ այլևս չի ապրում Ջիգանի հետ Ռեփեր Ջիգանը դուրս է գրվել հիվանդանոցից Ջիգանը հայտնվել է հոգեբուժարանում Օքսանա Սամոյլովան դժգոհել է Աֆրիկայում ապրող էկզոտիկ կենդանիներից Օքսանա Սամոյլովան Դուբայում հանգստի ժամանակ զարդարել է «ամենաանշուք տոնածառը»